This post is dedicated to a very special person...my brother who has always been my inspiration, my encouragement, my wellwisher, my friend, my guide........ i know bro how much u care and love us...bt i cant depict my love fr u in words.... I can realise what stage you might be going through and at this point i hav some lines especially for u (to try to motivate u as much as i can) :



raastein mein rukna nahi...pichee mudkar dekhna nahi....
bas aage badha chal...manzil bahut kareeb hai tere....
Ishvar par se vishwaas khona nahi kabhie....
kuch sochkar udaas hona nahi kabhie....

raahon mein teri bahut se modd hai....thakkar haar maanna nahi kabhie....
jinn pairon ne mujhe chalna aur sambhalna sikhaya... unhe thakne dena nahi kabhie....
jo beet gaya wo sapna tha....uss khwaab ko hakeekat samajhna nahi kabhie....
aise hi toofaano se ladte jaana....aage badhne se darna nahi kabhie....
kuch sochkar udaas hona nahi kabhie....

mujhe yakeen hai..wo dinn pass hai....
jab tere liye bhi uske pass kuch khass hai...
bas ek aur kadam ki doori hai....
naya raasta tay karna zaroori hai....

ab mere bhai tu sochna band kar....
aur meri iss nasihat par gaur kar....

Lamhe... College ke lamhe

Nayein raahein, naya safar hai aane ko,
Tyaar hai hum bhi, zindagi ka agla padaav paane ko,
Par naa jaane kyun, aaj dil mein kuch aur aata hai
Samay ki dhaara ko yahin rokne ko mann chahta hai

Char saalon ka safar char palon mein beet gaya
Par lagta hai aaj bhi jaise, kuch peeche reh gaya
Kuch rishtey... kuch yaadein... nayi judd gayi
Wahi yaadein….. jo ab jeene ka sahara bann gayi

Jinn baaton ko lekar rote the, aaj unn par hastein hai
Aaj unn palon ko yaad kar, aankhein namm kiya karte hai
Wo miss calls ki gupshup, wo sms bharmaar
Wo Room calls, aur seniors ka pyar
Wo raat bhar saath jaagkar padhna
Aur bina matlab… kisi se bhi jhagadna
Wo anginat styles of timepass kaise bhuleinge
Wo haseen pal ab dobara kiske saath jiyenge
Wo first tech fair aur last trip ki masti
Chah kar bhi nahi bhulti
Kab hastein gaate ye pal beet gaye………..
Aaj to hum bhi college ke lamho ko yaad karte reh gaye…………